佳星潮式鱼蛋粉

汀兰逗雨倾：位置：中山医巴士站（东往西方向）后面，即係新侨酒店南区首层商铺，应该係同三X乐同一个老细，所以两间铺连埋一齐嘅，近路边好容易就睇到。环境：同三X乐啲装修风格差唔多咯，粤式快餐店嘅装修，空调唔够凉，食少少辣椒酱就成身汗；人唔算多，不过环境卫生勉强合格，可能係白灯嘅关系，感觉就係残残旧旧咁，店内仲要行一两级楼梯上到另外一个用餐区；之前经过都係人比较多，经常排队，既然种咗草今日就嚟拔拔，3星嘅环境好极有限。服务：差咯，话唔俾影，收银见到我用警告嘅语气，就连钱都唔想收，令我感觉好似唔想做我生意咁，全程黑面，讲咗最少3次唔俾影相，我费事同佢坳，买咗单揾个位坐等食就算了，竟然仲多次回头啤住我；服务方面除咗唔使自己摞之外，真心冇咩优点。招牌杂锦鱼蛋粉：个汤淡得嚟好似水加盐咁，而且啲盐唔多，牛丸有阵骚味，鱼蛋冇味，鱼皮比较腥，成个粉除咗个米粉弹牙之外，真心冇咩特色而且冇咩值得再食嘅欲望。总体嚟讲：呢间嘢近医院自然唔担心客源问题，日日都多人喥排晒队，个个店员都做到好疲惫咁，有啲似行尸走肉嘅感觉，服务差係其中一样因素，而出品真係食得落肚撑饱就得，要求唔好太高，性价比低之余仲要受白眼，话唔俾人影相好心就整个指示牌，咁嘅态度我係只会嚟一次，真心冇下次。

换张美男脸：东山口店，光顾的是鱼蛋粉，分量不大，味道一般。